Растително млеко се консумира со векови во различни култури, но популарноста вртоглаво се зголеми во текот на изминатата деценија. Луѓето избираат растително млеко заради најразлични причини. Некогаш е нутритивната вредност, но и благосостојба на животните или помало негативно влијание врз животната средина. Во поново време многу често се користи поради избегнување на алергени од лактоза или едноставно се избира заради посебниот вкус.
Постои голем избор на растителни млека во маркетите, но ние ги препорачуваме следните видови:
Соја млеко
Соја млекото, сè уште најпопуларно растително млеко, спаѓа во категоријата на млека добиени од мешунки на соја. Тоа е единствената алтернатива за млеко што природно содржи иста количина на протеини како кравјо, со околу 3 g на 100 ml. Поради фактот што многу производители го збогатуваат млекото од соја со калциум и други витамини, како што се Б12, Б2, Д и А, експертите за исхрана наведуваат дека може да се користи како нутриционистички соодветна алтернатива на кравјото млеко. Покрај тоа, соиното млеко има слични карактеристики како кравјото, кога се користи како замена при готвење, печење и пенење на кафе. Ова растително млеко е исто така достапно во разни вкусови, како што се ванила, чоколадо или банана.
Оризово млеко
Ова растително млеко е е најдобриот избор за лица кои имаат проблем со алергии. Од нутриционистичка гледна точка, оризовото млеко, кое е млеко на житни култури, не нуди никакви предности во однос на другите растителни млека, освен фактот дека е најистакнато хипоалергично млеко и затоа е особено погодно за лица со алергии и нетолеранција на одредени типови на храна. Ова растително млеко е релативно високо со јаглени хидрати, но има малку маснотии, протеини и други хранливи материи, освен во случаеви кога е дополнително збогатено. Ова растително млеко има типично сладок вкус без додаток на шеќер.
Бадемово млеко
Ова растително млеко има благ вкус и арома на бадем. Идеално е за јадење со житни култури. Нутриционистички, бадемовото млеко е сосема различно од соиното или кравјото млеко. Има помалку калории и многу помалку протеини. Малата количина маснотии во бадемовото млеко е незаситена маст, која треба да се претпочита од здравствена перспектива. Бадемовото млеко е доста разредено со вода, релативно е нискокалорично, но исто така има многу помалку хранливи материи, во споредба со необработените бадеми. Сепак, домашното бадемово млеко може да биде богат извор на калциум, доколку се користи висока концентрација на плодот.
Кокосово млеко
Кокосовото млеко за готвење обично е достапно во лименки. Ова растително млеко е идеално за готвење и печење, давајќи и на храната вкусна и карактеристична арома. Кокосовото млеко е вкусно и може да се користи во широк спектар на рецепти – од супи со зеленчук, смути, пудинг од семе од чиа, па дури и сладолед. Тенкото кокосово млеко за пиење е одлично во комбинација со кафе или житни култури.
Растителното млеко ужива се поголема популарност. Се повеќе потрошувачи се сомневаат во ефектите што ги има нашата прехрана врз животните, екологијата и нашето здравје. Ова се рефлектира и во зголемената побарувачка на растително млеко. Побарувачката е видно зголемена во текот на последните десетина години со развојот на свеста за храната и последиците од животните стилови кои се наметнуваат. Опсегот на здрави вегански алтернативи на млеко за пиење и готвење сега е огромен.