Без разлика дали станува збор за слатководна или морска риба, сите риби претставуваат голем извор на протеини и добри масти. Тие содржат незаситени омега 3 масни киселини, витамини Б3, Б6, Б12, рибофлавин и фолна киселина. Исто така, богати се и со јод, селен, калиум и железо, минерали потребни на организмот.
Покрај местото на живеење, другите карактеристики кои прават да се разликуваат слатководната и морската риба е нивниот вкус, нутриентите и хранливите состојки, како и структурата на коската. Знаејќи ги разликите, ќе можете полесно да се одлучите која риба повеќе одговара на вашиот вкус или пригода.
Нутриенти и хранливи состојки
За рибите се кажува дека содржат највеќе протеини, дури се и меѓу намирниците што содржат повеќе протеини од јајцата. Слатководната риба содржи поголемо ниво на калциум од морската риба, како и монозаситени и полинезаситени масни киселини, и витамин А. Според ова, може да се каже дека слатководната риба има малку поголема нутритивна вредност од морската.
Понатаму, морската риба и покрај некои верувања, нема поголемо ниво на натриум поради солената вода. Тоа е така затоа што регулаторниот систем на рибата не му дозволува на кожата ја абсорбира солта од водата.
Вкусот на слатководната и морската риба
Слатководната и морската риба се разликуваат и во вкусот. Морската риба има за нијанса посолен вкус и покрај тоа што нивниот систем не ја абсорбира солта од водата. За разлика од морската, слатководната или речната риба, не е солена, туку има поблаг вкус.
Исто така, процентот на маснотија зависи од видот на рибата. Иако нкој вид на риба има голем процент на маснотија, не е штетна за вашето здравје како што е месото. Добрата риба не се проценува според маснотијата, туку според природниот начин на одгледување во морињата и езерата.
Разлика во структурата на коската
За да ја разликувате слатководната од морската риба, надворешниот изглед не е доволен. Доколку ја погледнете внатрешноста, ќе забележите разлика во нивните коски. Морската риба има поголеми коски од слатководната и полесно можат да се отстранат. За разлика од морската риба, слатководната риба има помали коски и треба повеќе време за да се остранат пред јадење.
Слатководна или морска риба: Примена во секојдневието
Рибата е добра за целокупната работа на организмот. Како таква, без разлика дали би се одлучиле за слатководна или морска риба, нејзините хранливи состојки може да ве заштитат од повеќе болести и е храна што ја одржува вашата кожа млада поради омега 3 масните киселини.
Како да разликувате риба одгледувана во море/езеро и рибник?
Едната разлика која можете да ја препознаете е во цената. Рибите одгледани во рибник имаат помала цена од природно одгледаните, диви риби. Друга воочлива разлика е големината на рибата. Уловените риби се различни во големина, додека пак оние одгледани во рибник се со приближна големина.
Доколку купувате риба од рибник, внимавајте да не претерате со конзумацијата затоа што е вештачки одгледана. Пред да ја конзумирате, испечете ја во рерна или на скара за вишокот на липиди да бидат остранети.
Подготовка на риба
Рибата е лесна за јадење и вкусна со секоја комбинација. Пред да се подготви, најдобро е да се маринира во сок од лимон или оцет. Така, ќе го задржи нејзиниот и ќе добие на подобар, побогат вкус. Секако, не заборавајте да сервирате со бело вино.
Кога ви треба оброк за посебни пригоди, не мора секогаш да готвите месо. Доколку ви требаат идеи за вечера под 400 калории, или хроно исхрана, ако вие или гостите внимавате на исхраната, слатководна или морска риба е одличен избор. За поголем избор, може да ги разгледате нашите каталози кои може да ве инспирираат во подготовка на следниот оброк.
Заклучок
Слатководната или морската риба се смета за една од најздравите намирници. Ја одржува кожата млада и ги зајакнува ноктите и косата. Од друга страна, ве штити од срцеви заболувања и превенира стареење на мозокот и неговата функција. Причина плус за да ја конзумирате, е нејзиниот сочен вкус кој може да се искомбинира со повеќе намирници по ваш избор.