Блог

10 причини зошто да пазарите онлајн

Онлајн пазарење

Последниве неколку години, квалитетните услуги на маркетите им овозможија на потрошувачите да ги искористат придобивките и од е-продавниците. А со се поголемата достапност на паметни уреди, луѓето се почесто се определуваат за онлајн пазарење. Пазарењето никогаш не било полесно – дознајте зошто да го направите тоа онлајн:

1. Секогаш во тек со попусти

Во виртуелниот свет на е-продавниците може да се стекнете со повеќе поволности. Една која е доста важна за потрошувачите е редовно да бидат во тек со попустите кои може да ги искористат. На е-маркетот на Рептил се впишани цените под секој производ и може да ги видите во секое време. Исто така, има и повеќе видови на онлајн попусти кои ги нуди на секојдневно, неделно или месечно ниво.

2. Избор на широк асортиман на производи

Наместо да одите од една продавница во друга и да барате одреден зачин или закуска, денес може да го проверите тоа онлајн. Од свежа и замрзната храна до козметика, Е-продавницата на Рептил нуди широк асортиман на производи достапни онлајн кои може да ги додадете во вашата виртуелна кошничка и ќе стојат таму се до моментот на плаќање.

3. Со Рептил клуб картичка до пониски цени

Една од можностите кои ги нуди Рептил на потрошувачите е Клуб Картичка. Со неа може да пазарите по намалени цени и онлајн. Кога одите кон наплата, го внесувате бројот на картичката и од редовната цена ви се пресметува намалената цена по која пазарите. За да станете дел од Рептил клубот, може да аплицирате за картичката онлајн. А со редовното користење на картичката, Рептил ги наградува лојалните потрошувачи.

Клуб картичка

4. Безбедносно плаќање

Секоја интернет продавница треба да ги заштитува податоците кои потрошувачите ги внесуваат при онлајн купување. Затоа Рептил овозможува безбедност при плаќање со тоа што поседува Сертификат на Symantec за максимална заштита при внесување на доверливи информации. Според тоа, треба да направите корисничкa сметка (профил) кој во иднина ќе го користите за полесно и безбедно пазарење.

5. Избегнувате гужви

Онлајн купувањето ви дава можност да зачувате повеќе време. На пример, кога купувате во маркет барате место за паркинг, чекате ред на каса или пак, се враќате по тоа што сте заборавиле. Од маркетите на Рептил може да пазарите 24 часа и притоа да го избегнете топлото или снежно време, несакани гужви во сообраќај и слично. А покрај тоа, ќе заштедите на бензин.

Онлајн пазарење

6. Не заборавате што требаше да купите

Со онлајн пазарењето не се враќате назад во маркет по тоа што сте заборавиле. За среќа, сега имате опција за додавање производи во Желби или Во Кошничка, и во моментот кога ќе се сетите дека треба нешто да купите само го додавате производот. А пред секое пазарење може да ги проверите избраните артикли, да бришете или да додадете нови.

Список пазарење онлајн

7. Купувајте во било кое време, од било каде

Благодарение на можноста за пазарење од маркетите онлајн, може да пазарите во било кое време и од било каде. Купувајте додека го пиете вашето утринско кафе или додека ја гледате омилената серија. Ако сте смениле привремена или адреса на живеење, може да направите измена на Адресата за достава и пратката ќе ви стигне на ново-внесената адреса.

8. Достава во рок од 24 часа

Е-маркетите нудат голем број на предности кои Вие како потрошувачи може да ги искористите. Кога нарачувате онлајн, маркетите обично ја вршат Доставата во временски период од 24 часа – од моментот кога е направена нарачката. Рептил има Упатство за нарачка на страната со објаснување како да ја извршите нарачката. И така, од неколку часови во маркет, денес пазарите со само неколку клика онлајн.

Достава

9. Избирате начин на испорака

Откако ќе ја направите нарачката, може да изберете една од опциите за испорака – подигање од маркет или испорака до дома. Исто така, може да изберете термин и датум на достава. На пример, ако сакате нарачката да ви стигне од денес за 2 дена и во претпладневните часови, внесувате датум и час за достава. А целиот процес Рептил го врши според Правилата на испорака.

10. Контакт и проверка на работно време

Ако претходно сте трчале до маркет да купите тоа што ви треба со надеж дека ќе работи, денес може да проверите и работно време на страната. Покрај тоа, ќе најдете и број за Контакт каде може да прашате се што ве интересира за онлајн купувањето и доставата, а вработените со задоволство ќе ви одговорат.

Заклучок

Рептил маркетите се секогаш тука за нивните потрошувачи, а тоа го докажуваат преку безбедносните мерки за онлајн пазарење и попустите што им ги овозможуваат на секојдневно, неделно или месечно ниво.